Velirano voalohany

Laharam-pahamehana ny Fandriampahalemana sy ny Andavanandro tsara antoka. Ao anatin’izany :

  • Ny fiarovana ny sisin-tanintsika sy ny harena voajanahary
  • Ny ady amin’ny tsy fandriampahalemana miseho isan’andro
  • Ny fanamafisana ny fiarovana ny velaran’ny Tanindrazantsika
  • Ny fampiroboroboana ny politikan’ny fananan-tany tsy mitongilana

Velirano faha-2

Angovo sy Rano ho an’ny rehetra. Tafiditra amin’izany :

  • Ny fanomezana jiro izay faran’ny mora indrindra
  • Ny fampidirana herinatra manerana an’i Madagasikara
  • Ny fanomezana rano madio azo sotroina ho an’ny rehetra

Velirano faha-3

Ady amin’ny kolikoly ary Fitsarana tsy mitanila. Hampiarina :

  • Ny tsy fisian’ny indra-fo ho an’ny kolikoly
  • Ny fanakaikezan’ny asam-panjakana amin’ny olom-pirenena
  • Ny fanaovana ho modely ireo olom-boafidy sy ny mpasam-bahoaka
  • Ny fanavaozana sy ny fanamasina ny fitantana ireo fonja

Velirano faha-4

Fanabeazana sy Kolontsaina ho an’ny rehetra. Ao anatin’izany :

  • Ny fanomezana antoka fa hisy ny rafim-pampianarana ho an’ny rehetra
  • Ny Fanasongadinana ny fahaiza-manao avo lenta
  • Ny fanomezan-danja bebe kokoa ny fampianarana ara-teknika sy arak’asa, indrindra fa any amin’ny faritany
  • Ny fametrahana ara-pomba ofisialy ny fampianarana sivika sy ny maha olompirenena

Velirano faha-5

Fahasalamana ho an’ny rehetra ka tsy misy sokajin-taona. Hampiarina :

  • Ny fahafahan’ny rehetra mahazo fitsaboana
  • Ny fanatsarana ny fahasalaman’ny Reny sy ny Zaza
  • Ny fanamafisana ny fisoroana ireo aretina mifindra sy ny aretina ankapobeny
  • Ny fanavaozana ny fizaràna ny fisotroan-dronono

Velirano faha-6

Asa mendrika ho an’ny rehetra. Tafiditra amin’izany :

  • Ny fampitomboana ny isan’ny sehatr’asa
  • Ny fanofanana sy ny fanarahana eo amin’ny lafin’ny fitadiavana asa
  • Ny fanamafisana orona ny fahaiza-manaom-pirenena
  • Ny fananganana Biraon’ny Asa

Velirano faha-7

Ny Fampiroboroboana ny Indostria an’i Madagasikara :

  • Ny fanohanana ny sehatry ny asa malagasy indrindra eo amin’ny tanora sy ny vehivavy
  • Ny fanamorana ny fomba fampiasam-bola eo amin’ny tontolon’ny Indostria
  • Ny fanitarana ny tolotra ara-pizahantany
  • Ny fanasongadinana sy fanelezana ny « Made in Madagascar »

Velirano faha-8

Ny Vehivavy sy ny Tanora Malagasy tratry ny Ho avy. Amin’ny alàlan’ny:

  • Mira lenta eo anivon’ny fiarahamonina sy any amin’ny sehatr’asam-panjakana
  • Fanomanana ny tanora amin’ny fanandratana ny Nosintsika

Velirano faha-9

Ny Fahavitana ara-tsakafo. Ho tratra io amin’ny :

  • Fampitomboana ny voka-bary
  • Fanitarana ny fiompiana sy ny sehatry ny hazan-drano
  • Fanatevenana ny fanampian’ireo mpamboly ary fanavaozana mitodika amina famokarana vaovao
  • Fanatsarana ny fitombon’ny famokarana any amin’ny faritra
  • Fametrahana ny politika nasionaly natokana ho an’ny omby

Velirano faha-10

Ny fitantanana maharitra ny harena voajanaharin-tsika. Ho tanteraka izany amin’ny :

  • Famporisihina ny fizahantany maharitra
  • Fanomezan-danja ny harena an-kibon-tanintsika
  • Fiarovana ny biby, ny zava-boary ary ny tanin-tsika
  • Fambolen-kazo mivelatra
  • Fiadiana amin’ny fanimbana ny tontolo iainan-tsika

Velirano faha-11

Madagasikara ho lasa moderna amin’ny alalàn’ny :

  • Famoronana tanan-dehibe vaovao hafahan’ny fampiasam-bola mivelatra kokoa
  • Fanitarana sy fampitohizana ireo làlana, seranam-piaramanidina, serana-tsambo ary lalam-by Malagasy
  • Fanamboarana trano ipetrahana sahazan’ny rehetra sy fanamorana ny findramam-bola raha hanorina trano na hiditra ny « Location-Vente ». Izany hoe, raha tsorina: manofa mandritran’ny fotoana voafetra dia lasa tompon’ilay trano ianao
  • Fandrindrana sy fiarovana ny fitaterana ho fanatsarana ny fifamoivoizana ny entana sy ny olona
  • Fanadiovana ny toeram-bahoaka sy fanatsarana ny fitantanana ny zaoridira
  • Fampivelarana ny tanàn-dehibe nomerika

Velirano faha-12

Fahavitan-tena sy fandraisana andraikitra eo amin’ireo faritanin-tsika. Tsy maintsy :

  • Mamorona tanàna misahana manokana ny fandrosoana sy fampandrosoana
  • Mampandray andraikitra ireo faritanintsika amin’ny fampandrosoana, ary mametraka sy mampiroborobo sehatra ho an’ny firaisan-kina
  • Manao laharam-pahamehana ny fiaraha-miasan’ny faritra, ny distrika ary ny kaominina

Velirano faha-13

Fanatanjahatena Ambom-pom-pirenena ka :

  • Fananganana foto-drafitr’asa ara-panatanjahantena vaovao maro indrindra any amin’ny faritany
  • Hamolavola ny tanora amin’ny alalan’ny fanatanjahantena
  • Hanatsarana ny fahasalamana amin’ny alalan’ny fanatanjahantena
  • Hanangana foibe sy akademia ara-panatanjahantena nasionaly sy hampiatra ny hoe « sport/études ». Izany hoe sady mianatra taranjam-panatanjahantena iray no manohy ny fampianarana mahazatra
  • Hampiatra ny fanomezana vatsim-pianarana manokana ho an’ny mpanao fanatanjahantena